Subscribe malayalamasika Youtube Channel 

Raji Chandrasekhar :: രഹസ്യാത്മകം

Views:

 

രഹസ്യാത്മകം

 

അനുരാഗമൂർച്ചകൊണ്ടണുവണുവായി നീ

കുനുകുനെ കുത്തി മുറിക്കുകെന്നെ

തനുവും മനസ്സുമെൻ കവിതയും പ്രണയവും

അനുഭവിച്ചാസ്വദിച്ചേൽക്കുകെന്നെ.

 

ഇതുവരെ കണ്ടതും കൊണ്ടതും മായ്ചു നാം

പുതുധാരയുണരുന്ന ജന്മമാകാം.

ഋതുഭേദമൊക്കെയും ദു:ഖം നിരാശയും

ഋതുരാജനിൽ ചേർത്തൊതുക്കി നിർത്താം.

 

രഹസ്യാത്മകം രാഗസർപ്പങ്ങളായി നാം

അഹസ്സന്തിരാവായ് തിമിർത്തു വാഴാം.

മഹാദിവ്യവീണ, നിൻ താരുണ്യഗർവ്വ-

വിഹാരങ്ങളെന്നും നമുക്കു മീട്ടാം...


Raji Chandrasekhar


https://www.amazon.in/dp/B08L892F68



No comments:

ഉള്ളടക്കം

മലയാളമാസിക സംഭാവനകൾ സ്വീകരിക്കുന്നതാണ്. 9995361657@upi
11 പുതിയ രചനകള്‍

ജനപ്രിയരചനകൾ (30 ദിവസത്തെ)