വായിച്ചു വളരുവാൻ കൂട്ടരെ വീട്ടിൽ
വായനശാല തുടങ്ങാം നമുക്കൊരു
വായനശാല തുറക്കാം ..
ഉള്ളൊന്നുണർത്തുവാൻ ചിന്ത വളർത്തുവാൻ
തളരാതെ പ്രജ്ഞയെ കാത്തു വക്കാൻ
മറവിയെ മായ്ക്കുവാനോർമ്മയെ പോറ്റുവാൻ
പുസതകശാല തുറക്കാം .
പുസ്തകത്താളുകൾക്കിടയിലൂടെന്നും
ചിത്രപതംഗമായി പാറാം..
പുസ്തക ചെപ്പു തുറന്നു നമു-
ക്കങ്ങൽഭുതലോകത്തു ചെല്ലാം..
ആഹ്ളാദ ചിത്തരായ് പാടാം..
വായിച്ചു വളരാം ചങ്ങാതിമാരൊത്ത്
നാടിന്നു വേണ്ടി വിളയാം.
--- ആനന്ദക്കുട്ടൻ മുരളീധരൻ