23 September 2020

Raji Chandrasekhar :: ദിവ്യയജ്ഞമല്ലെ...

Views:

 

ദിവ്യയജ്ഞമല്ലെ...

 

എങ്ങനെ തമ്മിൽ നാം കാണുമെന്നെൻ

മങ്ങിയ കണ്ണുകൾ തേടി നിന്നെ

പാവമെന്നുൾക്കാമ്പുതൊട്ടുമ്മയേകിയെ-

ന്നാവേശമായി ജ്വലിച്ചു കേറൂ..

 

പണമില്ല, പണിയില്ല,യെങ്കിലുമിന്നെന്റെ

പ്രണയവും കവിതയും ബാക്കിയുണ്ട്.

മണമുള്ള പാതിരാപ്പൂപോലുണർന്നു നീ

പുണരുകെൻ പ്രാണനെ കാമലോലം....

 

നെയ്തതെന്താണു നാമിന്നോളമോർമ്മയിൽ

പെയ്തു തീരാത്തൊരു പ്രണയമല്ലെ..

ചെയ്തതെന്താണു നാം കാലദൂരങ്ങളെ

കൊയ്തടുക്കും ദിവ്യ യജ്ഞമല്ലെ...


Raji Chandrasekhar


https://www.amazon.in/dp/B08L892F68



No comments:

Post a Comment