24 September 2020

Raji Chandrasekhar :: എനിക്കൊരു ഫ്രണ്ടുണ്ട്...

Views:

 

എനിക്കൊരു ഫ്രണ്ടുണ്ട്...

 

എനിക്കൊരു ഫ്രണ്ടുണ്ട്, ഗേൾഫ്രണ്ട് വെർച്വലി,

പനിമതി പോലെ, നിലാവു പോലെ.

കരിമുകിൽ മൂടി മറയ്ക്കിലും കുളിരുള്ള

ചിരിതൂകി നിൽക്കുമെൻ നാട്ടുമൈന.

 

അവളെ ഞാൻ കാണുവാനിടയില്ല, നാൾവഴി-

ക്കവലയിൽ കാത്തവൾ നിൽക്കുകില്ല.

അവളെന്റെ ചങ്കിൻ തുടിപ്പ്, കാർവർണ്ണനായ്

കവിതയിൽ നിറയുന്ന നിത്യസത്യം.

 

അവളെ ഞാൻ പിരിയുകില്ലായുസ്സിനപ്പുറം

കവിയുന്ന വാഴ് വിന്റെയഗ്നിയല്ലെ,

അവളെന്റെ പ്രാണപ്പിടച്ചിലിൽ ചുണ്ടിലേ-

യ്ക്കവസാനമിററുമെൻ തീർത്ഥസത്യം.


Raji Chandrasekhar


https://www.amazon.in/dp/B08L892F68



No comments:

Post a Comment