13 September 2020

Raji Chandrasekhar :: ധന്യജന്മം

Views:

 

ധന്യജന്മം

 

അനുമതിയില്ലാതെ, പറയാതെ,യറിയാതെ

തനുവിലെ കോശാണു നൊന്തുലഞ്ഞു.

മുനനീട്ടിയൊന്നല്ലൊരായിരം പൂത്തിരി-

ക്കനവുപോലാളിപ്പടർന്നു കേറി.

 

ഇടവേളയില്ലാത്തൊരാർദ്രമാം ചിരിമഴയി-

ലുട,ലിണച്ചൂടിൽ ജ്വലിച്ചുയിർക്കെ,

വിടവാങ്ങലില്ല, തീപ്പുഴകളും നീന്തിടും

കടപുഴകി വീഴാതെ കുത്തൊഴുക്കിൽ

 

പുതുവെണ്ണപോലെന്നുമുരുകിയൊന്നാകുവാൻ

ഋതുരാജനൊരുനൂറു പൂ വിടർത്തും,

പ്രണയമാണെപ്പൊഴും, നെഞ്ചേററു വാഴുവാൻ

തുണയുണ്ട്, ശ്രീമയം, ധന്യജന്മം...


Raji Chandrasekhar


https://www.amazon.in/dp/B08L892F68



No comments:

Post a Comment