Raji Chandrasekhar :: ദേഷ്യപ്പെടല്ലെ...

Views:

 

ദേഷ്യപ്പെടല്ലെ...

 

ദേഷ്യപ്പെടല്ലെ, നീ ഭാഗ്യമാണെൻ സ്നേഹ-

ഭാഷ്യമാണെൻ കാവ്യഭാവമാണ്

"മാപ്പൊന്നു നൽകു നീ" ഏത്തമിട്ടിന്നു ഞാൻ

കൂപ്പുകൈയോടെയിരന്നു കേഴാം...

 

എന്റേതു മാത്രമെന്നോർത്തു ഞാൻ കാട്ടിയ

തന്റേടമല്പം കടന്നുപോയോ,

എന്നെയിന്നൊറ്റയ്ക്കു പിന്തുടർന്നെത്തിയ

നിന്നെ ഞാൻ വേദനിപ്പിച്ചുവെന്നോ...

 

വേണ്ടാത്തതോതില്ലനിഷ്ടങ്ങളൊന്നുമേ,

മിണ്ടാതെ കൂടെ നടന്നു പോരാം.

അല്ലിന്നബോധത്തിലാണ്ട ദർപ്പങ്ങളെ

തല്ലിക്കെടുത്തി നീയേൽക്കുകെന്നെ....


Raji Chandrasekhar


https://www.amazon.in/dp/B08L892F68



No comments: