Subscribe malayalamasika Youtube Channel 

പ്രണയത്തെക്കുറിച്ച് :: അന്‍സാരി

Views:

പ്രണയം പ്രവാഹമായ് അങ്ങ് പണ്ടേ-
പ്രപഞ്ചം പിറക്കുന്നതിന്നു മുമ്പേ
ഏതോ വിശുദ്ധിയുടെ ജീവപ്രകാശത്തെ
ഊതിത്തെളിയ്ക്കാൻ പിറന്നതാകാം

കാല പ്രവാഹത്തിന്നോളപ്പരപ്പിൻെറ
ശീലമായ് അന്നേ ലയിച്ചതാകാം
ജീവൻെറയോരോ നേർത്ത നാളത്തേയും
സേവിച്ച് പണ്ടേ ലയിച്ചതാകാം

നേരിൻെറ നാരൂർന്ന് പോയാൽ പ്രണയമൊരു-
വേരറ്റ സങ്കൽപമായൊടുങ്ങും
പ്രാണൻെറ ചൂരറ്റ് പോയാൽ പ്രണയമൊരു
 ഞാണറ്റ വില്ലായ് നിലംപതിക്കും

കാലം കലങ്ങിയും കലഹിച്ചുമുടയുന്ന
കാലം കടന്ന് വന്നാലും
ഊറ്റ് വറ്റിപ്പോയൊരുറവപോൽ ഉയിരിൻെറ
ഊറ്റം നിലച്ചു പോയാലും

പ്രണയം പ്രപഞ്ചത്തിന്നോരോഞരമ്പിലും
പ്രവഹിച്ചു കൊണ്ടേയിരിക്കും!
പ്രണയം പ്രകാശവർഷങ്ങൾക്കു,മപ്പുറം
പ്രസരിച്ചു കൊണ്ടേയിരിക്കും




ഉള്ളടക്കം

മലയാളമാസിക സംഭാവനകൾ സ്വീകരിക്കുന്നതാണ്. 9995361657@upi
11 പുതിയ രചനകള്‍

ജനപ്രിയരചനകൾ (30 ദിവസത്തെ)