Views:
പകുതി തുറന്ന നിൻ ജാലകത്തിൻ മറു-
പകുതിയും വേഗം തുറക്കു പെണ്ണേ,
പക നീക്കിയുള്ളിലേക്കാർദ്രമാ,യൊന്നിനും
പകരമല്ലെന്നെ ക്ഷണിക്കു പെണ്ണേ.
രാവിരുൾക്കാടൊക്കെ നീക്കും നിലാവിന്റെ
രാവാട തുന്നും നിനക്കു വേണ്ടി,
മേനിയിൽ, കുന്തളക്കെട്ടിൽ മുഖം പൂഴ്ത്തി
തേനിമ്പമൊക്കെപ്പകർന്നു നൽകും.
പനികൊണ്ടു വിറയാർന്ന ചുണ്ടിലെ മധുരമാം
കനിയുണ്ടു വീണ്ടും നമുക്കുറങ്ങാം.
പകൽ വരും, പൂക്കളും പാട്ടും ചിരിക്കൂട്ടു-
പകരും കിനാവുമായ് തൊട്ടുണർത്തും.
https://www.amazon.in/dp/B08L892F68
No comments:
Post a Comment