Views:
രഹസ്യാത്മകം
അനുരാഗമൂർച്ചകൊണ്ടണുവണുവായി നീ
കുനുകുനെ കുത്തി മുറിക്കുകെന്നെ
തനുവും മനസ്സുമെൻ കവിതയും പ്രണയവും
അനുഭവിച്ചാസ്വദിച്ചേൽക്കുകെന്നെ.
ഇതുവരെ കണ്ടതും കൊണ്ടതും മായ്ചു നാം
പുതുധാരയുണരുന്ന ജന്മമാകാം.
ഋതുഭേദമൊക്കെയും ദു:ഖം നിരാശയും
ഋതുരാജനിൽ ചേർത്തൊതുക്കി നിർത്താം.
രഹസ്യാത്മകം രാഗസർപ്പങ്ങളായി നാം
അഹസ്സന്തിരാവായ് തിമിർത്തു വാഴാം.
മഹാദിവ്യവീണ, നിൻ താരുണ്യഗർവ്വ-
വിഹാരങ്ങളെന്നും നമുക്കു മീട്ടാം...
https://www.amazon.in/dp/B08L892F68
No comments:
Post a Comment