Raji Chandrasekhar :: എന്നു നീ വന്നു ചേരും

Views:

 

എന്നു നീ വന്നു ചേരും

 

സിന്ദൂരസന്ധ്യക്കു പൊന്നാട ചാർത്തുവാ-

നെന്നു നീ വന്നു ചേരും....

മാമക മാനസ പൂനിലാവേയെന്റെ

മാറിൽ നീ ചേർന്നുറങ്ങാ-

നെന്നു നീ വന്നു ചേരും...

 

തൂമഞ്ഞു തുള്ളികൾ നീളെ വിളങ്ങും പുൽ-

നാമ്പുകൾ ചാഞ്ചാടും പോലെ...

ആഴിയിലാഴത്തിലോടിക്കളിക്കുന്ന

മാലാഖ മത്സ്യങ്ങൾ പോലെ...

 

കാർമുകിൽ തിങ്ങുമെൻ വാനത്തിലമ്പിളി

നീരാഞ്ജന ദീപം പോലെ...

ഈണം മുറിയാതെന്നോർമയിലൂറുന്ന

താരാട്ടു പാട്ടുകൾ പോലെ...

 

സിന്ദൂരസന്ധ്യക്കു പൊന്നാട ചാർത്തുവാ-

നെന്നു നീ വന്നു ചേരും....

മാമക മാനസ പൂനിലാവേയെന്റെ

മാറിൽ നീ ചേർന്നുറങ്ങാ-

നെന്നു നീ വന്നു ചേരും...

Raji Chandrasekhar

https://www.amazon.in/dp/B08L892F68