Raji Chandrasekhar :: ആഗ്നേയവീണ

Views:

 

ആഗ്നേയവീണ

 

മേൽച്ചുണ്ടിലെ നേർത്ത രോമാഭ, വശ്യമായ്

മേയ്ക്കും മിഴിക്കോണ്, പാതി നെറ്റി.

റോസാദളക്കൂട്ടു വർണ്ണത്തിൽ വാസന്ത-

മാസങ്ങൾ ചാലിച്ച നേർത്ത രാഗം.

 

നീയെന്റെയാരെന്നു തേടുന്നൊരാമോദ-

മായയിലാറാടുമെന്റെ സ്നേഹം.

ആംഗലേയം ഹിന്ദി തായ്മൊഴിച്ചേലൊത്തൊ-

രാഗ്നേയവീണ നീ, മീട്ടിടാം ഞാൻ.

 

നാടെങ്ങ്, വീടെങ്ങ്, തേടേണ്ടതില്ല, നീ-

പാടുന്നൊരീണങ്ങൾ പോരുമല്ലൊ.

കൂടെ നീ വേണം കവിത്വമായ് കൂട്ടായി,

കാടും മലകളും താണ്ടി വാഴാൻ...


Raji Chandrasekhar


https://www.amazon.in/dp/B08L892F68



No comments: