Raji Chandrasekhar :: ആനന്ദജ്യോതി

Views:

 

ആനന്ദജ്യോതി

 

ഇവിടെ നാമെഴുതുന്ന വാക്കുകൾ കരളിലെ-

ക്കവിയുന്ന കയ്യൊപ്പു ചേർന്ന സത്യം.

വിടവാങ്ങി മാറേണ്ടൊരിക്കലും എന്നൊരാൾ

പടരുന്നു മഷിയായി മനസ്സിലാകെ.

 

കവിയുണ്ട്, കവിതയുണ്ടെപ്പോഴും ലോലമാം

കവിളത്തു തട്ടി തലോടലുണ്ട്,

വരികെന്നു വേണ്ട, വിളിക്കേണ്ട, വറ്റാത്ത

വരികളായരികിൽ ഞാനെന്നുമുണ്ട്...

 

പ്രണയമുണ്ടതു സത്യമതുമാത്രമുണ്മയെ-

ന്നണുതോറുമുണരുന്നൊരോർമ്മയുണ്ട്,

മരണം മണിത്താലി ചാർത്തിക്കഴിഞ്ഞാലു-

മണയാത്തൊരാനന്ദജ്യോതിയുണ്ട്...

Raji Chandrasekhar

https://www.amazon.in/dp/B08L892F68