06 September 2020

Raji Chandrasekhar :: സ്വപ്നമേ...

Views:

 

സ്വപ്നമേ...

 

എന്നുമുരുകിജ്ജ്വലിക്കുമെൻ സ്വപ്നമേ

നിന്നോടു ഞാനിനിയെന്തു ചൊല്ലാൻ !

നിന്നോടു ഞാനിനിയെന്തു ചൊല്ലാൻ....

 

എന്നും കിനാക്കളിൽ പൊന്നിൻ ചിറകുമായ്

കിന്നാരം മൂളി നീ വന്നിടുമ്പോൾ

നിന്മണിച്ചുണ്ടിലും താരകക്കണ്ണിലും

പുഞ്ചിരി പൂവിതൾ നീർത്തിടുമ്പോൾ

 

എന്നിൽ നിറയും പരിഭവമാകെയും

നിൻ ഗൂഢസുസ്മിതം മായ്ചിടുമ്പോൾ

നീറും മനസ്സിൽ കുളിർമ്മയേകുന്നതാ-

മീണം മൊഴികളിലൂറിടുമ്പോൾ...

 

എന്നുമുരുകിജ്ജ്വലിക്കുമെൻ സ്വപ്നമേ

നിന്നോടു ഞാനിനിയെന്തു ചൊല്ലാൻ !

നിന്നോടു ഞാനിനിയെന്തു ചൊല്ലാൻ ....


Raji Chandrasekhar


https://www.amazon.in/dp/B08L892F68



No comments:

Post a Comment