Raji Chandrasekhar :: രൗദ്രമാടാം

Views:

 

രൗദ്രമാടാം

 

ജട വിടർത്തി ഞാനിവിടെയുണ്ടു, നീ

ഇടതടവില്ലാതൊഴുകിയാഴുവാൻ...

ഗഗനഗംഗേ നിൻ ഗുരുത്വകാന്തിയിൽ

ഢമരുതാളത്തിൽ നടനമാടിടാം

 

പിന്നിലേക്കാകല,ല്ലാക്കലല്ലോമലേ

നിന്നെ ഞാനെന്നിലുൾച്ചേർക്കയല്ലെ.

പിന്നോട്ടു പോകേണ്ട, നോക്കേണ്ട, നിന്നെ ഞാ-

നെന്നുമെൻ നെഞ്ചോടു ചേർത്തുറക്കാം...

 

ഇടം തുടയിലുമയുണ്ടു, സാരമില്ല,

തടം തല്ലിയെന്നിൽ നീയൊഴുകു ഗംഗേ

കാന്തക്കരുത്തിന്റെ രുദ്രഗംഗേ

ശാന്തമല്ലുഗ്രമാം രൗദ്രമാടാം.


Raji Chandrasekhar


https://www.amazon.in/dp/B08L892F68



No comments: