26 October 2019

Raju.Kanhirangad :: കവിത :: വിലാപവൃക്ഷം

Views:

ഇരുട്ട് പെയ്തു കൊണ്ടേയിരുന്നു
വിലാപവൃക്ഷം പോലെ
അവളുടെ കണ്ണീരും
വിഹ്വലമായ മുഖം,

ഇരുളിന്‍റെ സമുദ്രം
തീക്കാറ്റു ചുറ്റും
ഇനി കിനാവിൽ മാത്രം യാത്ര

ദു:ഖത്തിന് ചിറകുകളുണ്ടായിരുന്നെങ്കിൽ
അവ പാറിയകന്നേനെ
ചെന്നായപറ്റമാണ് ചുറ്റും
നാട്ടപ്പെട്ട നോക്കുകുത്തിയായ്
ഒരു ജന്മം

പതുങ്ങിയിരുന്ന പൊൻമ
കോരിയെടുത്തിരിക്കുന്നു
ജീവിത മത്സ്യത്തെ
ഊർന്നിറങ്ങാനുള്ള പിടച്ചിൽ മാത്രം
ബാക്കി

സെമിത്തേരിയിലെ മരങ്ങൾ
ജീവിതകാലം ഓർമ്മിപ്പിക്കുന്നു

വരണ്ടുപോയ പുഴയാണ് ഇന്ന് ജീവിതം




4 comments:

  1. വ്യത്യസ്ത
    ശൈലി
    നല്ല കവിത
    ഒഴുക്കുള്ള വായനക്ക്
    ഏറെ യോജിച്ച
    കവിത
    ്‌ ആശംസകൾ

    ReplyDelete