09 September 2019

Raju.Kanhirangad :: കവിത :: ഓണസദ്യ

Views:




നാടൻ കൊണ്ടുണ്ണണം നല്ലോണം
നൊട്ടിനുണയണം പൊന്നോണം
കാളനു ,മോലനും ,എരിശേരി, പുളിയിഞ്ചി,-
ഇഞ്ചിതൈര്, പഴം നുറുക്ക്
നാടൻ കൊണ്ടുണ്ണണം നല്ലോണം
നൊട്ടിനുണയണം പൊന്നോണം

സാമ്പാറും, അവിയലും, നാരങ്ങ അച്ചാറും
പയറുവറുത്തതും കട്ടായം
നാടൻ കൊണ്ടുണ്ണണം നല്ലോണം
നൊട്ടിനുണയണം പൊന്നോണം

ശർക്കരയുപ്പേരി, കായ വറുത്തത്, -
പഴ പുളിശേരി, പഴപ്രഥമൻ
കൂടാതെപപ്പടം, പായസമെന്നിവ
കൂടെയൊരുക്കേണം ഓണനാളിൽ
നാടൻ കൊണ്ടുണ്ണണം നല്ലോണം
നൊട്ടിനുണയണം പൊന്നോണം

തൃക്കാക്കരയപ്പനെ നേദിക്കുവാനായി
അടയാദ്യം രാവിലെ ഉണ്ടാക്കേണം
നിലവിളക്കിൻ തിരിതെളിയേണം
തൂശനിലയിട്ട് ഉണ്ണേണം
നാടൻ കൊണ്ടുണ്ണണം നല്ലോണം
നൊട്ടിനുണയണം പൊന്നോണം



3 comments:

  1. നാടൻ സദ്യ പോൽ
    നാവിനും കരളിനും
    നാട്ടാർക്കും നൽകുന്നുവോ
    നാട്ടകം തുടിക്കുമീ
    നൽക്കവിത... ആശംസകൾ

    ReplyDelete