30 July 2019

Anupa C S :: കവിത :: പൂർണതതേടുമപൂർണത

Views:


പൂർണതതേടുമപൂർണത ഞാ,നെന്റെ
പൂർണത തൊട്ടൊന്നുണർത്തു നീയും
എന്നിലെയെന്നെയറിഞ്ഞോരു നീ മാത്ര-
മെന്നുമെന്നുള്ളിൽ ജ്വലിച്ചു നിൽക്കും.

നൊമ്പരപ്പൂവാകുമെന്നാത്മബോധത്തെ-
യൻപോടെ കൊഞ്ചിച്ചുണർത്തു നീയും
സാന്ത്വനമേകും നിൻ ചുണ്ടുകളാജന്മ-
സന്തോഷം പൂണ്ടു ഞാൻ കണ്ടു നിൽക്കും.

സന്താപമൊക്കെയും തീർക്കുന്നൊരാനന്ദ -
മന്ദാരരാഗങ്ങൾ മീട്ടു നീയും
അത്തിരി വെട്ടത്തിലെന്നിലെ നിന്നെ ഞാ-
നൊത്തിരി സ്നേഹിച്ചൊളിച്ചു നിൽക്കും.



No comments:

Post a Comment

Popular Posts - Last 7 days


Subscribe

* indicates required
View previous campaigns.