09 June 2017

പ്രണയത്തിന്റെ നഷ്ടതീരത്ത് :: അന്‍സാരി

Views:

ഓർമ്മകൾ നെഞ്ചിൻ വരണ്ട തീരങ്ങളിൽ
ഓടിക്കിതച്ചൊരു തെന്നലായെത്തവേ
തെന്നലിൽ പാറുന്ന പട്ടുതൂവാലയിൽ 
തുന്നിപ്പിടിപ്പിച്ചതാരാണ് നിൻ മുഖം?

ഭൂതകാലത്തിൻെറ പൂവിതൾക്കൈകളോ
പൂർത്തീകരിക്കാത്തൊരോമൽ കിനാക്കളോ?
കരളിൻകടയ്ക്കൽ തളിർത്ത പൂവള്ളിതൻ
തളിരിലനുള്ളി നീകൊണ്ടുപോയി!

പ്രണയംചുവപ്പിച്ച ഹൃദയവാനത്തിങ്കൽ
കരിമുകിൽനൽകിനീ  മാഞ്ഞുപോയി!
കാലം കളിക്കാൻ തൊഴിച്ചകറ്റീടുന്ന
കാൽപന്ത് മാത്രമായ് എൻെറ ജന്മം!

ഇടനെഞ്ചിലിഷ്ടംപതഞ്ഞ ചഷകങ്ങളിൽ
കയ്പുനീർ തൂകി നീയെങ്ങ് പോയി?
സ്വപ്നം മെഴുകിത്തളിച്ചൊരെൻ മിഴികളിൽ
കയ്പുനീർ നൽകി നീയെങ്ങ് പോയി!
കല്ലുമായ് വിധിയെത്തി ഉന്നംകുറിക്കുന്ന
കളിമൺകലം പോലെയായി ജന്മം!




Popular Posts - Last 7 days


Subscribe

* indicates required
View previous campaigns.